Bridgespaði seldi í Köldulind á 237 milljónir

Húsið var teiknað af Kjartani Sveinssyn, byggt árið 1999 og er sex herbergja á tveimur hæðum. Það fór á sölu í september á síðasta ári og hefur nú selst. Ásett verð var 247,9 milljónir króna en seldist það á 237 milljónir.

Á neðri hæð er anddyri, gestabaðherbergi og þrjú svefnherbergi og svo er innangengt í bílskúr frá gangi. Á efri hæð er eldhús, borðstofa, hjónaherbergi með „en-suite“ baðherbergi, tvö svefnherbergi, þvottahús, baðherbergi, þvottahús og stofa með arin þar sem útgengt er á sólríka timburverönd með heitum potti.

Matthías Imsland var áður framkvæmdastjóri rekstrarsviðs Wow Aie og þar áður forstjóri flugfélagsins Iceland Express. Þá er hann mikill Framsóknarmaður, var formaður kjördæmasambands flokksins um tíma og gegndi stöðu aðstoðarmanns bæði Eyglóar Harðardóttur, félags – og húsnæðismálaráðherra, og Sigmundar Davíðs Gunnlaugssonar, forsætisráðherra.