Tæp fjór­tán prósent þjóðarinnar bú­sett er­lendis

Tæpur fjórðungur allra íslenskra ríkisborgara sem bjuggu erlendis í fyrra voru búsettir í Danmörku, alls 12.786 manns samkvæmt tölum Þjóðskrár. Í Noregi bjuggu 9.348 íslenskir ríkisborgarar og 9.229 í Svíþjóð. 

Á eftir Norðurlöndunum voru Bandaríkin vinsælasta landið á meðal íslenskra ríkisborgara en 6.711 manns voru skráðir með búsetu þar 1. desember. Bretland var í fimmta sæti með 2.576 íslenska ríkisborgara.

Íslenskir ríkisborgarar voru með skráð lögheimili í alls 111 löndum af 193 aðildarríkjum Sameinuðu þjóðanna.

Í fjórtán löndum var aðeins einn íslenskur ríkisborgari með skráð lögheimili samkvæmt gögnum Þjóðskrár; í Albaníu, Jamaíku, Gana, Máritíusi, Angóla. Makedóníu, Moldóvu, Belís, Paragvæ, Panama, Sómalíu, Gíneu, Pakistan og Líbanon.