Innlent

Orri á­fram odd­viti Fram­sóknar í Kópa­vogi

Lovísa Arnardóttir skrifar
Orri starfaði áður sem bæjarstjóri í Hveragerði og sem forstjóri Frumherja.
Orri starfaði áður sem bæjarstjóri í Hveragerði og sem forstjóri Frumherja. Aðsend

Á fundi fulltrúaráðs Framsóknarfélaganna í Kópavogi í dag var Orri Vignir Hlöðversson kjörinn oddviti Framsóknar í Kópavogi og mun leiða flokkinn í komandi sveitarstjórnarkosningum. Orri er bæjarfulltrúi Framsóknar og formaður bæjarráðs Kópavogsbæjar. Hann leiddi lista Framsóknar í sveitarstjórnarkosningunum 2022.

Í öðru sæti í kosningunni hafnaði Björg Baldursdóttir, bæjarfulltrúi. Í þriðja sæti hafnaði Gunnar Sær Ragnarsson, í fjórða sæti varð Svava Friðgeirsdóttir og Heiðdís Geirsdóttir í því fimmta.

Í tilkynningu segir um Orra að hann sé fæddur 1964 og uppalinn í Kópavogi. Hann hafi lokið BA-gráðu í alþjóðastjórnmálum og hagfræði frá California State University í Sacramento árið 1993. Orri var áður bæjarstjóri Hveragerðisbæjar og starfaði auk þess um árabil sem forstjóri Frumherja og síðar stjórnarformaður.

Framsóknarflokkurinn Kópavogur Sveitarstjórnarkosningar 2026

Mest lesið


Fleiri fréttir

Sjá meira


×

Mest lesið