Valur á­fram í undan­úr­slit bikarsins

Leikið var í Kaplakrika í Hafnarfirði og það voru heimakonur í FH sem skoruðu fyrstu tvö mörk leiksins en segja má að eftir það hafi leikurinn verið eign gestanna af Hlíðarenda. 

Valskonur komust yfir í leiknum í stöðuna 3-4 þegar rétt tæpar fimm mínútur voru liðnar og þaðan fóru þær svo að byggja upp forskot sitt. 

Þegar að fyrri hálfleikur rann sitt skeið var Valur fimm mörkum yfir 13-18. 

Valskonur hertu tökin bara meira eftir því sem leið svo á seinni hálfleikinn og fóru þær að lokum með tíu marka sigur af hólmi, 21-31.

Sæti í undanúrslitum tryggt en auk Vals verða ríkjandi bikarmeistarar Hauka, KA/Þór og Fram í pottinum þegar dregið verður í undanúrslit keppninnar á föstudaginn kemur. 

Mariam Eradze var markahæst í liði Vals í kvöld með sjö mörk og að sama skapi skoraði Thelma Dögg Einarsdóttir sjö mörk fyrir FH.