Gríðar­leg von­brigði að reyndri konu sé ekki treyst

Þetta sagði Heiða Björg Hilmisdóttir borgarstjóri við fréttamann eftir að úrslit prófkjörs Samfylkingarinnar í Reykjavík voru ljós. Pétur Marteinsson vann oddvitaslaginn með 3063 atkvæðum en Heiða hlaut 1668 atkvæði, 1424 í fyrsta sætið en 244 í annað sætið.

Aðspurð hvað hún meinti með að hún héldi að flokkurinn væri kominn á þann stað sagði Heiða eftirfarandi. 

„Að treysta reyndri konu til að leiða listann í vor. Ég hélt að við værum þar en það er greinilega ekki,“ segir Heiða Björg sem kveðst þó stolt af sínum verkum og sínum baráttumálum, sem hún muni halda áfram að vinna að finna farveg. 

Hún segir ótímabært að segja til um hvort hún ætli að sætta sig við annað sæti eða draga sig af listanum. 

„Þetta verður ágætislisti. Fólk er greinilega búið að velja sér lista og þannig er þetta í lýðræðislegum flokki.“

Vísir var í beinni frá Iðnó í kvöld og útsendinguna í heild sinni má sjá hér að neðan.