Dag­skráin: Troðinn laugar­dagur endar á úr­slita­leiknum á HM í pílu

Stærsti leikur kvöldsins er án efa úrslitaleikurinn á heimsmeistaramótinu í pílukasti þar sem mætast Luke Littler og Gian van Veen. 

Bónusdeild karla í körfubolta byrjar aftur eftir jólafrí en fjórir leikir eru á dagskrá í kvöld. Skiptiborðið verður því á laugardagskvöldi í fyrsta sinn og Tilþrifin gera allt saman upp eftir að leikjunum lýkur.

Það bíða margir spenntir eftir leik Tindastóls og Vals á Sauðárkróki en Ármann tekur á móti Álftanesi, Þór fær Skagamenn í heimsókn í Þorlákshöfn og Stjarnan tekur á móti KR.

Enska úrvalsdeildin í fótbolta er í fullum gangi og fjórir leikir verða í beinni. Dagurinn byrjar með leik Aston Villa og Nottingham Forest í hádeginu en endar með leik Bournemouth og Arsenal. Laugardagsmörkin gera daginn síðan upp.

Það verður síðan sýndur NFL-leikur Tampa Bay Buccaneers og Carolina Panthers en hann er í lokaumferð deildarkeppninnar þar sem barist er um sæti í úrslitakeppninni.

Hér fyrir neðan má sjá yfirlit yfir beinar útsendingar á sportstöðvunum í dag.

SÝN Sport Viaplay

Klukkan 19.30 hefst úrslitaleikurinn á heimsmeistaramótinu í pílukasti frá Ally Pally þar sem Luke Littler og Gian van Veen mætast.

SÝN Sport Ísland

Klukkan 19.10 hefst Skiptiborðið þar sem fylgst verður samtímis með öllum leikjum kvöldsins í Bónus-deild karla í körfubolta.

Klukkan 21.10 hefjast Tilþrifin þar sem farið verður yfir alla leiki kvöldsins í Bónus-deild karla í körfubolta.

SÝN Sport Ísland 2

Klukkan 19.05 hefst bein útsending frá leik Tindastóls og Vals í Bónus-deild karla í körfubolta.

SÝN Sport Ísland 3

Klukkan 19.05 hefst bein útsending frá leik Stjörnunnar og KR í Bónus-deild karla í körfubolta.

SÝN Sport Ísland 4

Klukkan 19.05 hefst bein útsending frá leik Ármanns og Álftaness í Bónus-deild karla í körfubolta.

SÝN Sport Ísland 5

Klukkan 19.05 hefst bein útsending frá leik Þórs úr Þorlákshöfn og ÍA í Bónus-deild karla í körfubolta.

SÝN Sport

Klukkan 12.10 hefst bein útsending frá leik Aston Villa og Nottingham Forest í ensku úrvalsdeildinni í fótbolta.

Klukkan 14.40 hefst bein útsending frá leik Brighton og Burnley í ensku úrvalsdeildinni í fótbolta.

Klukkan 17.05 hefst bein útsending frá leik Bournemouth og Arsenal í ensku úrvalsdeildinni í fótbolta.

Klukkan 19.40 hefjast Laugardagsmörkin þar sem farið verður yfir leiki dagsins í ensku úrvalsdeildinni.

Klukkan 21.30 hefst bein útsending frá leik Tampa Bay Buccaneers og Carolina Panthers í NFL-deild ameríska fótboltans.

SÝN Sport 3

Klukkan 14.40 hefst bein útsending frá leik Wolves og West Ham í ensku úrvalsdeildinni í fótbolta.