Lands­björg inn­kallar pakka eftir að rakettur sprungu of snemma

Ekki hafa borist tilkynningar um slys á fólki vegna gallans, að sögn Jóns Þórs Víglundssonar, upplýsingafulltrúa Landsbjargar. 

„Það voru gerðar tilraunir á ansi mörgum og við sáum að þessi hringing átti við rök að styðjast. Það voru of margar sem voru að springa of snemma. Þannig við ákváðum að taka þetta úr sölu.“ 

Í tilkynningu til fjölmiðla er fólk sem hefur keypt Rakettupakka 2 hvatt til að koma með hann á næsta sölustað og skipta út fyrir aðra vöru. Hægt verði að skipta pakkanum út á morgun þar til sölustaðir loki og þegar þeir opni aftur fyrir þrettándann.

„Slysavarnafélaginu Landsbjörg þykir miður að viðskiptavinir verði fyrir óþægindum vegna þessa, en öryggi okkar allra þarf alltaf að vera í fyrirrúmi,“ segir í tilkynningunni.

Fréttin hefur verið uppfærð.