Skór sem Jordan notaði seldust á tæp­lega níu­tíu milljónir

Jordan notaði skóna í leik Chicago Bulls gegn Magic Johnson, Kareem Abdul-Jabbar og félögum í Los Angeles Lakers í nítjánda leik sínum í NBA tímabilið 1984-85.

Skórnir voru boðnir upp á uppboði hjá Sotheby's og seldust á 698.500 dollara. Það jafngildir rétt rúmlega 88,5 milljónum íslenskra króna.

Skórnir eru áritaðir af Jordan sem skoraði tuttugu stig í umræddum leik gegn Lakers. Bulls vann leikinn með eins stigs mun, 113-112.

Jordan og félagar í Bulls unnu 38 leiki tímabilið 1984-85 og komust í úrslitakeppnina. Þar töpuðu þeir fyrir Milwaukee Bucks, 3-1.