Radiohead frestar tón­leikum sínum í Köben

Í tilkynningu frá sveitinni segir að tónleikarnir muni nú fara fram 15. og 16. desember.

„Við erum miður okkar að þurfa að fresta þessum tveimur tónleikum með svo stuttum fyrirvara en Thom hefur greinst með alvarlega hálsbólgu sem hefur gert það ómögulegt fyrir hann að syngja,“ segir í tilkynningunni.

Vonast sé til að Yorke nái að jafna sig þannig að hann geti spilað og sungið á síðustu tveimur tónleikunum í Kaupmannahöfn 4. og 5. desember, og öllum fjórum tónleikunum í Berlín þar sem þeir fyrstu er 8. desember.

Radiohead hóf fyrstu tónleikaferð sína í sjö ár í Madríd í nóvember.