Ey­vindur tekur varan­legt sæti í Lands­rétti

Þetta kemur fram í tilkynningu frá Stjórnarráðinu. Þar kemur fram að Eyvindur hafi lokið embættisprófi í lögfræði frá lagadeild Háskóla Íslands árið 1996 og meistaraprófi í lögum frá Duke háskóla í Bandaríkjunum 1998. Þá öðlaðist hann réttindi sem héraðsdómslögmaður árið 1997 og leyfi til málflutnings fyrir Hæstarétti Íslands árið 2006.

Víða komið við

Eyvindur hefur starfað í umhverfisráðuneytinu, sem og iðnaðar- og viðskiptaráðuneytinu, en einnig sem aðstoðarmaður dómara við Héraðsdóm Reykjavíkur. Árin 2000-2006 var Eyvindur sjálfstætt starfandi lögmaður en hefur frá þeim tíma starfað við lagadeild Háskóla Íslands, þar af sem prófessor frá árinu 2013 og sem forseti deildarinnar 2013-2016.

Eyvindur hefur jafnframt verið dómandi við Endurupptökudóm frá 2021 og tekið sæti sem varadómari í Hæstarétti í tíu málum.

Ekki lengur tímabundið starf

Þá hefur Eyvindur átt sæti í stjórnsýslunefndum og stjórnum opinberra stofnana, þar á meðal í ráðgjafanefnd Fjármálaeftirlits Seðlabanka Íslands, stjórn Samkeppniseftirlitsins og stjórn Happdrættis Háskóla Íslands. Eyvindur hafi að auki ritað fjölda fræðirita- og greina á sviði lögfræði.

Eyvindur var settur dómari við Landsrétt frá 1. október síðasta árs. Setning hans var til 28. febrúar 2029, en skipan dómara við réttinn er ótímabundin.