Katla skoraði sigur­mark Fiorentina gegn Milan í upp­bótartíma

Katla byrjaði á bekknum í dag en kom inn á sem varamaður á 63. mínútu, í stöðunni 2-2. Monica Renzotti kom Milan yfir, 2-3, á 77. mínútu og það virtist ætla að duga gestunum til sigurs.

Á fjórðu mínútu uppbótartíma jafnaði Madelen Janogy fyrir Fiorentina og þremur mínútum síðar skoraði Katla svo sigurmark heimakvenna, 4-3.

Þetta var annar deildarleikur Kötlu með Fiorentina og fyrsta mark hennar fyrir félagið. Hún kom til þess frá Kristianstad í Svíþjóð í sumar.

Þetta var fyrsti sigur Fiorentina í ítölsku deildinni á tímabilinu en liðið er í 5. sæti með fjögur stig.