Ace Frehley látinn af slysförum

Fjölskylda hans greinir frá þessu. „Við erum gjörsamlega niðurbrotin og harmi slegin. Á síðustu augnablikum hans vorum við svo heppin að geta umkringt hann með kærleiksríkum, ástríkum og friðsælum orðum, hugsunum og bænum þegar hann yfirgaf þessa jörð. Við varðveitum allar bestu minningar hans, hláturinn og fögnum styrk hans og þeirri góðvild sem hann sýndi öðrum,“ segir í yfirlýsingu frá fjölskyldunni.

„Horfandi yfir öll hans ótrúlegu afrek í lífinu þá mun minning Ace lifa að eilífu!“

Hætti og sneri svo aftur

Frehley gekk til liðs við stofnendurna Paul Stanley og Gene Simmons árið 1972 og spilaði með hljómsveitinni Kiss á stærstu tímabilum sveitarinnar. Hann hætti í Kiss árið 1982 til að hefja sólóferil sinn en gekk aftur til liðs við hana þegar hún kom saman á ný árið 1996 til að fara í vinsæla endurkomutónleikaferð. Hélt Frehley áfram með Kiss fram til ársins 2002, að því er fram kemur í samantekt Variety.

Á árunum sem hann var ekki með sveitinni kom hann fram sem sólólistamaður, bæði með hljómsveit sinni Frehley's Comet og undir eigin nafni.

Fréttin hefur verið uppfærð.