Thunder og Jokic koma best út í ár­legri könnun stjóra NBA

NBA-meistarar Oklahoma City Thunder eiga að verja titilinn því áttatíu prósent framkvæmdastjóra í NBA spáðu því að OKC muni vinna annað árið í röð. Ef Thunder tækist það yrði það í fyrsta sinn síðan Golden State Warriors vann tvöfalt árið 2018 sem liði tækist að verja meistaratitilinn.

Cleveland Cavaliers og Denver Nuggets fengu bæði nokkur atkvæði, en Houston Rockets og New York Knicks fengu hvort um sig eitt atkvæði.

Nikola Jokic, serbneska stórstjarnan hjá Denver Nuggets, hefur endað í fyrsta eða öðru sæti í síðustu fimm kosningum um mikilvægasta leikmanninn og hann er langlíklegastur til að vinna þennan heiður í ár. Jokic fékk 67 prósent atkvæða frá framkvæmdastjórunum.

Undrabarnið hjá San Antonio Spurs, Victor Wembanyama, fékk 83 prósent atkvæða sem sá leikmaður sem framkvæmdastjórar myndu velja ef þeir gætu valið hvern sem er til að byggja lið í kringum, sem gerir hann að sigurvegara í þeim flokki annað árið í röð.

Framherji Rockets, Amen Thompson, fékk þrjátíu prósent atkvæða í flokknum „líklegastur til að slá í gegn“, sem fellur vel að því að hann er nú talinn líklegastur til að verða framfarakóngur tímabilsins samkvæmt veðbönkum.

Lítill vafi lék á því hver væri besti leikmaðurinn í hverri stöðu, en Shai Gilgeous-Alexander, Anthony Edwards, Luka Doncic, Giannis Antetokounmpo og Jokic hlutu þann heiður í sínum stöðum.

Nýliði Mavericks, Cooper Flagg, sem var valinn fyrstur í nýliðavali NBA í júní, en hann er langlíklegastur til að vinna bæði titilinn nýliði ársins og vera besti nýliðinn úr þessum árgangi eftir fimm ár. Bakvörður Miami Heat, Kasparas Jakucionis, var valinn bestu kaupin í nýliðavali þessa árs.

Í flokki einstaklingsyfirburða var Wembanyama (80%) valinn besti varnarmaður deildarinnar; Erik Spoelstra (52%) var valinn besti þjálfarinn sjötta árið í röð; Jokic (80%) var valinn besti sendingamaður NBA og leikmaður með hæstu körfuboltagreind, á meðan Antetokounmpo og Wembanyama voru jafnir, með 30% atkvæða hvor, um heiðurinn að vera fjölhæfasti leikmaður deildarinnar. Stephen Curry var sigurvegari, með 47% atkvæða, fyrir að vera sá leikmaður sem þú myndir vilja að tæki skotið þegar allt er undir.