Dag­skráin í dag: Ryder-bikarinn fer af stað

Það er strax klukkan 11:00 sem keppni milli Bandaríkjanna og Evrópu í Ryder-bikarnum hefst í beinni útsendingu á Sýn Sport 4. Þar verða viðstöðulausar beinar útsendingar frá keppninni til klukkan 22:00 í kvöld.

Á Sýn Sport Viaplay eru tveir fótboltaleikir á dagskrá. Schalke og Greuter Furth eigast við í 2. Bundesligunni klukkan 16:25 og klukkan 18:50 er bein útsending frá leik WBA og Leicester sem mætast í ensku B-deildinni.

Þá styttist í að boltinn fari að rúlla í Bónus-deildunum. Sérstakur upphitunarþáttur fyrir Bónus-deild kvenna er í beinni á Sýn Sport Ísland klukkan 20:00.