Bein út­sending: Kynna yfir­lýsingu fjár­málastöðug­leika­nefndar

Ásgeir Jónsson, seðlabankastjóri og formaður fjármálastöðugleikanefndar, Tómas Brynjólfsson, varaseðlabankastjóri fjármálastöðugleika, og Flóki Halldórsson, framkvæmdastjóri fjármálastöðugleikasviðs, munu á fundinum gera grein fyrir yfirlýsingu nefndarinnar og efni Fjármálastöðugleika.

Í yfirlýsingunni, sem birt var í morgun, sagði að fjármálakerfið hér á landi standi traustum fótum og að eiginfjár- og lausafjárstaða kerfislega mikilvægra banka væri sterk og aðgengi að markaðsfjármögnun greitt. Umtalsverð óvissa sé þó í alþjóðamálum og langtímavextir hafi víða hækkað vegna vaxandi efasemda um sjálfbærni opinberra fjármála. Ennfremur kom fram að óvissa á alþjóða­vett­vangi undir­striki mikilvægi ríf­legs gjald­eyris­forða, en nánar má lesa um yfirlýsinguna í frétt Vísis frá í morgun.

Hægt verður að fylgjast með fundinum í spilaranum að neðan. Hann hefst klukkan 9:30.