Stofnandi Omnom selur hönnunarhús í Akrahverfinu

Húsið er byggt árið 2010 og innanhússarkitektinn Berglind Berndsen sá um hönnunina sem er sérlega glæsileg.

Gengið er inn í rúmgott og flísalagt andyri, þaðan í fallegt alrými með gólfsíðum gluggum. Eldhúsið er glæsilegt, með miklu skápaplássi og stórri eldhúseyju með steinborði og setuaðstöðu. Allar innréttingar eru sérsmíðaðar í svartri eik, og á gólfum er hlýlegt viðarparket.

Falleg hönnun er áberandi í stofurýminu sem er innréttað með mikilli natni. Þar á meðal eru Eames borðstofustólar. Útgengt er úr rýminu út í snyrtilegan suðurgarð með timburverönd.

Á efri hæðinni eru fjögur svefnherbergi, sjónvarpsrými og rúmgott baðherbergi með frístandandi baðkari. Útgengt er út á góðar svalir frá hjónaherberginu.

Nánari upplýsingar um eignina má nálgast á fasteignavef Vísis.