Myndaveisla: Líf og fjör á Ljósanótt

Hátíðin heppnaðist afar vel en telja skipuleggjendur að tugþúsundir hafi lagt leið sína í miðbæ Reykjanesbæjar til að fagna Ljósanótt. Fjölbreytt dagskrá var í boði, þar á meðal árlega Árgangagangan, listasýningar, barnasýningar, tónlistaratriði og tívolí. 

Í gærkvöldi voru stórtónleikar þar sem meðal annars VÆB, Stuðlabandið, Sigga Beinteins og Steindi og Auddi komu fram. Að lokum var flugeldasýning og segir Guðlaug það hafa skapað ógleymanlega stemningu í miðbænum.

Síðasti dagur hátíðarinnar er í dag en henni lýkur í kvöld þegar Bjartmar Guðlaugsson setur hátíðlegan lokapunkt í kvöldmessu í Keflavíkurkirkju.