„Var loksins ég sjálfur“

„Tilfinningin er bara sú sama og eftir síðustu leiki. Þetta er ógeðslega fúlt. Svekkelsi. Maður leggur líf og sál í þetta en þetta eru bara smáatriði. Sem keppnismaður er ógeðslega erfitt að tapa. Það er margt sem maður getur sagt og farið yfir en ég er líka stoltur af okkur að vera á stórmóti. Erum að spila við sterkustu lið Evrópu og erum séns leik eftir leik,“ sagði Martin.

Ekki stóð á svari er hann var spurður hvað hefur vantað upp á hjá íslenska liðinu á EM.

„Reynsluleysi. Ef við værum á EM á hverju ári væri þetta öðruvísi. Ég er búinn að spila á efsta leveli í 7-8 ár en þetta er samt nýtt fyrir mér. Ég var loksins ég sjálfur í dag. Svo væri fínt að hafa 2-3 leikmenn yfir tvo metra,“ sagði Martin sem skoraði 22 stig og gaf sex stoðsendingar.

Hann segir að íslenska liðið sé komið langt og eigi fyllilega skilið að spila meðal þeirra bestu.

„Ef við gætum sett saman frammistöðu úr fyrstu fjórum leikjunum. Þetta skrifast á reynsluleysi. Við erum mættir á stórmót og það eru allir brjálaðir að við séum ekki að vinna. Þetta er ekki eins og 2015 og 2017. Við fáum ekki medalíu fyrir að vera með eins og á Esso-mótinu. Leikmennirnir eru að verða betri,“ sagði Martin sem hefur spilað á öllum þremur Evrópumótum sem Ísland hefur tekið þátt á.

Horfa má á viðtalið við Martin í spilaranum hér fyrir ofan.