Starfs­maður Héraðssaksóknara með stöðu sak­bornings

Þetta kemur fram í frétt Morgunblaðsins.

Í samtali við fréttastofu sagði Ólafur Þór Hauksson, héraðssaksóknari, að hann gæti ekki tjáð sig um málið. Það væri á borði Lögreglunnar á Suðurlandi.

Frá Lögreglunni á Suðurlandi fengust engar upplýsingar aðrar en þær að málið væri enn í vinnslu.

Málið má rekja til þess að í vor var fjallað um það í Kveiki á Rúv að tveir fyrrverandi starfsmenn saksóknaraembættisins, þeir Jón Óttar Ólafsson og Guðmundur Haukur Gunnarsson, hafi hætt hjá embættinu í lok árs 2011 og stofnað njósnafyrirtækið PPP sf.

Voru þeir taldir hafa stolið gögnum frá embættinu. Kært var fyrir þennan meinta stuld en málið var fellt niður af Ríkissaksóknara.