Habeck hættir á þingi

Habeck greindi frá því í dag að hann hafi í morgun tilkynnt forseta þýska þingsins um ákvörðun sína að láta af þingmennsku þann 1. september næstkomandi.

Franziska Brantner og Felix Banaszak, leiðtogar Græningja, segjast í samtali við þýska fjölmiðla harma ákvörðun Habeck.

Habeck var kanslaraefni Græningja fyrir þingkosningarnar í febrúar sem boðað var til eftir að ríkisstjórn Jafnaðarmanna, Græningja og Frjálslyndra liðaðist í sundur. Græningjar hlutu hins vegar einungis 11,6 prósent atkvæða í kosningunum, tapaði miklu fylgi á milli kosninga og er nú í stjórnarandstöðu.

Habeck hefur sagt vilja berjast áfram fyrir aðgerðum í loftslagsmálum, umbótum á sviði efnahagsmála og ríkisstyrkjum, en hann hefur á síðustu mánuðum lent upp á kant við vinstri væng Græningjaflokksins sem hefur gagnrýnt stuðning Habeck við strangari stefnu í innflytjendamálum, að því er segir í frétt DW.