Golf

Axel leiðir að öðrum degi loknum

Árni Jóhannsson skrifar
Axel Bóasson, kylfingur úr GK.
Axel Bóasson, kylfingur úr GK. Vísir/Daníel

Axel Bóasson, kylfingur úr Golfklúbbnum Keili, situr einn á topp í Íslandsmótsins í golfi þegar búið er að spila tvo hringi. Hann deildi efsta sætinu með Dagbjarti Sigurbrandssyni eftir fyrsta daginn en náði forskotinu með því að spila á tveimur höggum undir pari í dag.

Axel er því á sjö höggum undir pari eftir seinni daginn en Dagbjartur lék einu höggi undir pari í dag og er því sex höggum undir pari í lok dags. Það stefnir því í hörkubaráttu þeirra tveggja en Sigurður Arnar Garðarson úr GKG er svo í þriðja sæti á fjórum undir pari eftir að hafa leikið á pari í dag.

Að loknum öðrum degi Íslandsmótsins í golfi þá er komið að því að helmingur þeirra sem hóf leik ljúki leik. 42 kylfingar ljúka leik í dag eftir að niðurskurði er lokið. Síðustu kylfingar sem slupp við hnífinn eru þeir Sigurbergur Sveinsson úr Golfklúbbi Vestmannaeyja, Einar Bjarni Helgason og Andrí Þór Björnsson sem báðir eru úr Golfklúbbi Reykjavíkur en þeir eru allir 10 yfir pari að loknum öðrum degi mótsins.

Íslandsmótið í golfi Golf

Mest lesið


Fleiri fréttir

Sjá meira


×

Mest lesið