Davíð Snær og Guð­laugur Victor lögðu upp mörk

Davíð Snær kom inn af bekknum á 69. mínútu leiks Álasunds og Kongsvinger. Á sama tíma var Ólafur Guðmundsson tekinn af velli hjá Álasundi. Staðan þá var 1-1 en tíu mínútum síðar hafði Davíð Snær lagt upp markið sem kom Álasundi yfir. Heimamenn bætti við marki skömmu síðar og unnu góðan 3-1 sigur.

Eftir 16 leiki er Álasund í 3. sæti með 26 stig. Efstu tvö lið B-deildar fara beint upp í efstu deild Noregs. Liðin í 3. til 6. sæti fara í umspil.

Guðlaugur Victor lék allan leikinn í vörn Plymouth þegar liðið hóf leik í ensku C-deildinni. Hann lagði upp eina mark liðsins í 1-3 tapi á heimavelli. Plymouth féll úr B-deildinni á síðustu leiktíð og byrjar tímabilið í deild neðar ekki vel.