Tug­þúsundir vottuðu Ozzy virðingu

Lúðrasveit sem lék lög eftir Osbourne gekk á undan líkbílnum og fjölskylda hans staldraði við á Black Sabbath-brúnni sem var nefnd í höfuð hljómsveitar Ozzy sem var stofnuð í borginni.

Fjöldi fólks hefur lagt kerti, blóm og bréf á brúna og það var tilfinningaþrungin stund þegar ekkja hans, Sharon Osbourne, og börn, Kelly og Jack Osbourne, virti það fyrir sér og þakkaði viðstöddum. Útförin fer fram í kyrrþey á morgun.

Ozzy fæddist 3. desember 1948 í Marston Green, ólst upp í Birmingham, átti gríðarlega farsælan tónlistarferil og lést þriðjudaginn 22. júlí, 76 ára að aldri, eftir baráttu við Parkinson-sjúkdóminn og önnur veikindi.