Innlent

Kölluðu til sér­sveit vegna gruns um frelsis­sviptingu

Bjarki Sigurðsson og Eiður Þór Árnason skrifa
Myndin er úr safni. 
Myndin er úr safni.  Vísir/Vilhelm

Fimm voru handteknir í miðbæ Akureyrar í gærkvöldi vegna gruns um frelsissviptingu og naut lögregla aðstoðar sérsveitar ríkislögreglustjóra í aðgerðunum.

Börkur Árnason, varðstjóri hjá Lögreglunni á Akureyri, segir í samtali við fréttastofu að búið sé að sleppa þremur þeirra úr haldi og til standi að leysa hina tvo síðar í dag. Ekki verði farið fram á gæsluvarðhald.

„Það var grunur um vopnaburð og þess vegna nutum við aðstoðar sérsveitar,“ segir Börkur. Einn hnífur hafi fundist í aðgerðunum en enginn hafi borið hann á sér.

Málið sé enn til rannsóknar hjá lögreglunni og lögreglan muni ekki tjá sig frekar um aðgerðina.

Fréttin er í vinnslu.

Akureyri Lögreglumál

Mest lesið


Fleiri fréttir

Sjá meira


×

Mest lesið