Stjórn fyrir­tækisins hefur form­lega rann­sókn

Forsvarsmenn fyrirtækisins og stjórnarmeðlimir höfðu ítrekað hafnað viðtalsbeiðnum fjölmiðla vestanhafs en hafa nú loks tjáð sig um málið, en óhætt er að segja að alvefurinn hafi logað síðastliðinn sólarhring.

Fyrirtækið birti færslu á samfélagsmiðlum þar sem þeir brugðust loks við.

„Astronomer stendur fast við þau gildi og þá menningu sem hafa mótað okkur frá stofnun þess. Ætlast er til þess að leiðtogar okkur séu fyrirmyndir bæði hvað hegðun varðar og ábyrgð. Stjórn félagsins hefur hrundið af stað formlegri rannsókn á þessu máli og við munum deila frekari upplýsingar mjög bráðlega,“ segir í tilkynningunni.

Fyrirtækið hafnaði einnig ásökunum um að annar starfsmaður fyrirtækisins hefði verið viðstödd tónleikanaog fölskum orðrómum um afsökunarbeiðni Byron.

Bæði Andy Byron og Kristin Cabot mannauðsstjóri hafa verið leyst tímabundið frá störfum, hefur Guardian eftir heimildum sínum. Þar kemur einnig fram að tregða fyrirtækisins við að tjá sig um málið orsakist af því að starfslokasamningaviðræður við Byron hafi dregist á langinn.

Andy Byron hefur verið forstjóri Astronomer síðan árið 2023. Ári seinna gekk Cabot til liðs við fyrirtækið og fór fyrir mannauðsmálum. Í fréttatilkynningu um ráðningu Cabot sagði Byron:

„Fyrirmyndarleiðtogahæfni Kristin og djúpstæð þekking á mannauðsstjórnun, starfsmannaþátttöku og uppbyggingu mannauðslausna mun skipta sköpum á hraðri vegferð okkar.“

Í sömu tilkynningu er eftirfarandi haft eftir Cabot sjálfri:

„Ég fylltist innblástri í samtölum mínum við Andy og leiðtogateymi Astronomer um þau tækifæri sem eru hér fyrir hendi.“