Fjögur lið sýnt LeBron á­huga

Að minnsta kosti fjögur lið hafa sett sig í samband við umboðsmann James, Rich Paul, og lýst yfir áhuga á viðræðum við NBA-stjörnuna.

Ekki hefur lekið út hvaða fjögur lið er hér um að ræða.

Paul segir að James hafi ekkert rætt við sig um að fara í annað félag. Hann tekur þó fram að James muni eingöngu hafa áhuga á félögum sem eiga möguleika að berjast um titilinn.

James er með góðan samning við Lakers en þar er ákvæði um að hann þurfi að samþykkja skipti til annars félags. Lakers getur því ekki bara sent hann hvert sem er.