Forstjóri X hættir ó­vænt

Í hennar forstjóratíð hefur X tekist að halda velli sem vinsælasti samfélagsmiðillinn í Bandaríkjunum hvað samfélagsumræðu varðar, að því er Axios greinir frá. 

Á sama tíma hefur auglýsingasala dregist verulega saman frá því að Musk keypti miðilinn en Yaccarino kemur einmitt úr auglýsingabransanum. eMarketer spáir því þó að auglýsingatekjur miðilsins aukist í ár, í fyrsta sinn á fjórum árum. Afsögn Yaccarino má því teljast nokkuð óvænt.

„Þegar ég og [Musk] ræddum fyrst saman um hans sýn fyrir X vissi ég að það yrði einstakt tækifæri til að ráðast í þetta sérstaka verkefni þessa fyrirtækis,“ skrifar Yaccarino á X. Kveðst hún þakklát Musk fyrir að treysta sér með „þeirri ábyrgð að vernda málfrelsi“.

„Ég er ótrúlega stolt af X-teyminu - sá sögulegi viðsnúningur í viðskiptum sem okkur hefur tekist að ná er hreint út sagt eftirtektarverður,“ bætir hún við.

Yaccarino var ráðin 2023 en á undan því hafði hún stýrt auglýsingaarmi NBC Universal í áratug.  

Musk réð hana meðal annars til að slá á áhyggjur Tesla-hluthafa sem höfðu lýst áhyggjum af því að Musk sýndi bílaframleiðandum ekki eins mikla athygli meðan hann var sjálfur forstjóri X um hríð.

Musk og X vakti sviðsljós fjölmiðla í dag þar sem fyrirtæki í eigu Musks þurfti óviðeigandi færslum frá X-spjallmenninu Grok þar sem spjallmennið lofaði Adolf Hitler, kallaði sjálfan sig Mecha Hitler og gerði ýmsar athugasemdir við fyrirspurnir notenda sem lýstu gyðingahatri.

Afsögn Yaccarino kemur á erfiðum tíma fyrir Musk þar sem sölutölur Tesla hafa dregist saman auk þess sem hann á í orðastríði við Donald Trump Bandaríkjaforseta.