Innlent

Piltur reyndi að stöðva á­rás föður sem ógnaði móðurinni með hníf

Jón Þór Stefánsson skrifar
Aðalmeðferð málsins fer fram fytrir luktum dyrum.
Aðalmeðferð málsins fer fram fytrir luktum dyrum. Vísir/Vilhelm

Karlmaður hefur verið ákærður fyrir stórfellda líkamsárás og stórfellt brot í nánu sambandi sem eru sögð hafa beinst að fyrrverandi sambýliskonu sinni og barnungum syni þeirra.

Atvikið sem málið varðar átti sér stað á heimili konunnar í nóvember 2023.

Í ákæru segir að maðurinn hafi rifið konuna upp úr rúmi í barnaherbergi hússins, hrint henni á sófa. Síðan hafi hann dregið hana eftir gólfinu fram í eldhús.

Síðan er maðurinn sagður hafa sparkað í hana ítrekað, meðal annars í andlit. Svo hafi hann hrint henni þannig að hún hafi fallið aftur fyrir sig á þurrkara í þvottahúsi.

Einnig er maðurinn sagður hafa öskrað á konuna, ógna henni ítrekað lífláti með hníf. Hann er sagður hafa þrýst hnífnum að kvið hennar og hótað að „klára þetta“.

Fram kemur að sonur þeirra, sem er ólögráða, hafi orðið vitni að árásinni og reynt að stöðva hana. Maðurinn er sagður hafa ýtt honum frá þeim.

Fyrir vikið er konan sögð hafa hlotið áverka víðs vegar um líkamann.

Með háttseminni er maðurinn sagður hafa ógnað lífi, heilsu og velferð mæðginanna á alvarlegan hátt og sýnt syni sínum vanvirðandi háttsemi, yfirgang og ruddalegt athæfi.

Fyrir hönd konunnar er þess krafist að maðurinn greiði fjórar milljónir króna í miskabætur og piltinum 2,5 milljónir króna.

Aðalmeðferð málsins hefst í Héraðsdómi Reykjaness í dag, en þinghald er lokað.




Fleiri fréttir

Sjá meira


×