Felix kveður Euro­vision með tárum

Felix skrifar kveðjubréf á ensku og birtir á Facebook, enda ekki síst ætlað erlendum vinum hans og félögum í Eurovision-baráttunni. Hann segist hafa setið sinn síðasta fund á mánudaginn, hjá framkvæmdastjórn Eurovision, en fundurinn var haldinn í Geneva á Ítalíu.

„Fundurinn var formlega lokapunktur við Eurovisin Song Contest frama minn. Hinir dásamlegu kollegar mínir þar gáfu mér þessa gullfallegu eftirlíkingu af Eurovison-verðlaunum sem fékk tárin fram í augu mín,“ segir Felix og birtir mynd af sér brosmildum með kristalbikar.

Felix segir það undarlegt að kveðja fólk sem hafi verið svo mikilvægur þáttur í lífi hans í mörg ár en á sama tíma hafi hann ávallt vitað að sú vinátta sem þar myndaðist muni vara að eilífu.

„Og ég fann einnig til mikillar bjartsýni fyrir hönd keppninnar,“ segir Felix. Og bætti því við að þarna væri saman kominn hópur fagmanna sem lifðu fyrir það að koma ungum listamönnum á framfæri og ýta þeim í átt að einhverju stórkostlegu.

„Við deilum öll ódrepandi ást til keppninnar.“

Felix þakkaði félögum sínum í Eurovison-framkvæmdastjórninni fyrir há- og lágpunkta, hláturinn og tárin, ástina og liðsinnið.

„Þar til næst,“ segir Felix.