Hlupu frá Dan­mörku til Sví­þjóðar

Eyrarsundsbrúin opnaði 1. júlí árið 2000 og fagnar því 25 ára afmæli í sumar. Haldið var upp á afmælisárið með brúarhlaupi, og lokað var fyrir umferð á meðan. Brúarhlaup var haldið árið 2000 þegar brúin opnaði og einnig árið 2010 þegar hún fagnaði tíu ára afmæli.

Eyrarsundsbrúin er í raun bæði brú og göng, en fyrsti kaflinn frá Kaupmannahöfn eru fjögurra kílómetra göng, sem leiða svo upp að brúnni. Farið var sem leið liggur í gegnum göngin og yfir brúna.

Danski vefmiðillinn Kosmopol greinir frá því að sænski langhlauparinn David Nilsson hafi verið fljótastur yfir brúna. Hann hafi hlaupið 21 kílómetra á aðeins einni klukkustund, átta mínútum og 21 sekúndu. David var einnig fljótastur í brúarhlaupinu 2010.