Lögðu hald á tölu­vert magn fíkni­efna og milljónir í reiðu­fé

Í fréttatilkynningu frá lögreglu segir að húsráðandi, karlmaður á fertugsaldri, hafi verið handtekinn í þágu rannsóknarinnar, sem miði vel. Lögreglan hafi einnig í sínar vörslur síma og tölvur húsráðanda, auk vegabréfs óskylds manns, en það hafi einnig fundist á vettvangi. Grunur leiki á að reiðuféð, sem hafi samanstaðið af bæði íslenskum og erlendum seðlum, sé tilkomið vegna sölu fíkniefna.

Lögreglan minni á upplýsingasíma lögreglu 800 5005. Í hann megi hringja nafnlaust til að koma á framfæri upplýsingum um skipulagða brotastarfsemi, eða önnur brot sem fólk hefur vitneskju um.