Íris nýr sviðs­stjóri hjá VSB verk­fræði­stofu

Í tilkynningu segir að hún komi til VSB frá Reitum fasteignafélagi, þar sem hún hafi starfað sem sérfræðingur í sjálfbærni og verkefnastjóri í þróunarverkefnum. Þar áður vann hún hjá Veitum, meðal annars að uppbyggingu og þróun fráveitukerfa.

„Íris er menntuð umhverfisverkfræðingur og lauk meistaragráðu frá Danmarks Tekniske Universitet (DTU) árið 2004. Hún býr yfir víðtækri reynslu af verkefnastjórnun og stefnumótun á sviði sjálfbærni, skipulags og innviðaþróunar. Íriser gift Gísla Þórmari Snæbjörnssyni, verkfræðingi, og eiga þau saman fjögur börn.

VSB verkfræðistofa er rótgróið og öflugt verkfræðifyrirtæki með aðsetur í Hafnarfirði. Fyrirtækið var stofnað árið 1987 og veitir fjölbreytta verkfræði- og ráðgjafaþjónustu. Svið samgangna og skipulags sinnir meðal annars greiningum, stefnumótun og hönnun samgöngukerfa, gerð samgöngumats, umferðar- og bílastæðatalningum, valkostagreiningum í tengslum við gatna- og skipulagsgerð, sem og almennri skipulagsráðgjöf fyrir opinbera aðila og einkaaðila,“ segir í tilkynningunni.