Fóru yfir endur­komu Söndru: „Þetta er bara besti bitinn“

Sandra tók hanskana fram á nýjan leik eftir að Aldís Guðlaugsdóttir, markvörður FH, sleit krossband á dögunum. Sandra lagði hanskana á hilluna frægu eftir tímabilið 2022, en hefur síðan þá leikið tvo leiki með Val og aðra tvo með Grindavík.

Sandra á að baki 49 landsleiki fyrir Íslands hönd og ljóst að FH-ingr nældu sér í gríðarlega reynslumikinn markvörð. Hún verður þó fertug á næsta ári og því höfðu kannski ekki allir trú á því að hún væri enn sama gamla Sandran.

„Ég ætla að segja eitt um Guðna (Eiríksson, þjálfara FH). Hann er kannski að setja einhverja pressu á sitt lið og halda þeim á tánum,“ sagði Helena Ólafsdóttir, þáttastjórnandi Bestu markanna. 

„En hann missir Aldísi, sem okkur fannst búin að vera frábær í marki. Okei, þá bara förum við og leitum, finnum eina gamla landsliðskempu, sækjum hana og þetta er bara besti bitinn. Það er eins og Sandra hafi aldrei hætt.“