Silfrið niður­staðan fyrir Hannes og strákana hans

Alpla tapaði báðum leikjum sínum á móti UHK Krems í lokaúrslitunum en vinna þurfti tvo leiki til að verða meistari.

Hannes Jón Jónsson er þjálfari Alpla HC Hard liðsins.

Alpla varð deildarmeistari og með heimavallarrétt í úrslitunum en það dugði ekki.

UHK Krems vann fyrri leikinn með tveggja marka mun á heimavelli Alpla og fylgdi því eftir með tveggja marka sigri í kvöld, 25-23.

Krems var 12-11 yfir í hálfleik en Alpla komst yfir í seinni hálfleiknum.

Krems menn voru hinsvegar mun sterkari á lokakafla leiksins og tryggðu sér titilinn.

Tumi Steinn Rúnarsson skoraði tvö mörk fyrir Alpla í leiknum.