Innlent

Braust inn hjá vin­sælum hársnyrti og hafði af honum vega­bréfið

Agnar Már Másson skrifar
Dökkklæddur maður sást á myndavél brjótast inn á hársnyrtistofu Jads Mars. Hann sparkaði hurðina opna.
Dökkklæddur maður sást á myndavél brjótast inn á hársnyrtistofu Jads Mars. Hann sparkaði hurðina opna.

Jad Mar hársnyrti brá heldur í brún þegar hann mætti í vinnuna í morgun og sá að brotist hafi verið inn á hársnyrtistofu hans í Garðabæ. Hann segir að þjófurinn hafi numið á brott reiðufé, rakvélar og jafnvel vegabréf.

„Í morgun kl. 5 kemur einhver inn og brýtur niður hurðina,“ segir hinn sýrlenski Jad Mar í samtali við fréttastofu.

Jad Mar, sem er nokkuð vinsæll hársnyrtir, birti myndir og myndskeið á samfélagsmiðlum úr öryggismyndavélakerfi húsnæðisins þar sem sjá má grímuklæddann mann sparka niður hurðina þar sem hann er til húsa að Iðnbúð 6.

„Hann tók pening, rakvélar og nokkur skjöl,“ segir hann og bætir við: „Vegabréfið mitt.“

Svo flúði þjófurinn af vettvangi á reiðhjóli, eins og sjá má á myndefni úr öryggismyndavél.

Mar lét lögreglu vita en segist enn ekki vita hvort búið sé að finna þjófinn.

„Eftir þrjá tíma hringdi lögreglan og sagðist hafa fundið vegabréfið mitt. Hann henti því.“

Hársnyrtirinn segist þó blessunarlega hafa náð að opna stofuna í dag.

Lögreglumál Garðabær

Mest lesið


Fleiri fréttir

Sjá meira


×

Mest lesið