Reka þjálfarann þrátt fyrir besta árangurinn í 25 ár

Thibodeau var nýbúinn að stýra Knicks alla leið í úrslit Austurdeildarinnar þangað sem liðið hafði ekki komist í aldarfjórðung eða síðan árið 2000.

Knicks tapaði 4-2 í úrslitaeinvíginu á móti Indiana Pacers og komst því ekki í lokaúrslitin á móti Oklahoma City Thunder.

Liðið hefur komist í úrslitakeppnina á fjórum af fimm tímabilum sínum undir stjórn Thibodeau og Knicks hefur unnið fimmtíu leiki síðustu tvö tímabil sem hafði ekki gerst síðan á síðustu öld. Aðeins þrír þjálfarar í sögu Knicks hafa unnið fleiri leiki.

Thibodeau var nýbúin að framlengja samning sinn við Knicks út 2027-28 tímabilið.