Dag­skráin: Undanúrslitaleikur í Þjóðadeild karla

Stórleikur kvöldsins er fyrri undanúrslitaleikurinn í Þjóðadeild karla í fótbolta þar sem Þjóðverjar fá Portúgal í heimsókn en í boði er sæti í úrslitaleik keppninnar.

Leikurinn fer fram á Allianz leikvanginum í München og þar fer einnig fram úrslitaleikurinn um næstu helgi. Sigurvegari kvöldsins mætir annað hvort Spáni eða Frakklandi þar.

Fyrri leikur kvöldsins er líka mjög athyglisverður leikur í þýska handboltanum.

Hannover tekur þá á móti THW Kiel. Hannover var lengi í toppbaráttunni en hefur gefið eftir á síðustu vikum en á sama tíma hefur Kiel unnið sex deildarleiki í röð. Hannover reynir á móti að enda fjögurra leikja taphrinu.

Hér fyrir neðan má sjá yfirlit yfir beinar útsendingar á sportstöðvunum í dag.

Vodafone Sport

Klukkan 16.55 hefst útsending frá leik Hannover og THW Kiel í þýska handboltanum.

Klukkan 18.50 hefst útsending frá leik Þýskalands og Portúgals í Þjóðadeild karla í fótbolta.