Ný stjórn Ríkis­út­varpsins kjörin

Stjórnarflokkarnir á þingi tilefndu fimm fulltrúa og jafnmarga varamenn og minnihlutinn fjóra fulltrúa og fjóra varamenn. Þórunn Sveinbjarnardóttir, forseti Alþingis, las upp tillögu meiri- og minnihlutans og voru allir sjálfkjörnir þar sem fjöldi tilnefndra var á pari við laus sæti.

Diljá Ámundadóttir Zoega, Ingvar Smári Birgisson og Silja Dögg Gunnarsdóttir eru þrjú af níu stjórnarmönnum sem halda sæti sínu í stjórninni. Silja gegndi formennsku í síðustu stjórn.

Fulltrúar meirihlutans:

• Stefán Jón Hafstein, fyrrverandi starfsmaður utanríkisráðuneytisins og útvarpsmaður
• Diljá Ámundadóttir Zoega, varaþingmaður Viðreisnar
• Heimir Már Pétursson, framkvæmdastjóri og upplýsingafulltrúi Flokks fólksins,
• Kristín Sóley Björnsdóttir, viðburðarstjóri hjá Menningarfélagi Akureyrar
• Auður Finnbogadóttir, viðskiptafræðingur

Varamenn eru Viðar Eggertsson, Natan Kolbeinsson, Katrin Viktoria Leiva, Albertína Friðbjörg Elíasdóttir og Kamma Thordarson.

Fulltrúar minnihlutans:

• Ingvar Smári Birgisson, lögmaður hjá Firma
• Eiríkur S. Svavarsson, lögmaður hjá Vík
• Unnur Brá Konráðsdóttir, fyrrverandi þingmaður Sjálfstæðisflokksins
• Silja Dögg Gunnarsdóttir, fyrrverandi þingmaður Framsóknarflokksins

Varamenn eru Birta Karen Tryggvadóttir, Sveinn Óskar Sigurðsson, Magnús Benediktsson og Jónas Skúlason.