Herra Hnetu­smjör og Sara selja lúxusíbúð innan við ári eftir kaupin

Áður bjó fjölskyldan í fallegri íbúð við Digranesveg í Kópavogi en Árni Páll hefur ekki farið leynt með stolt sitt af því að vera Kópavogsbúi og borið hróður bæjarins víða allt frá því að hann hóf að starfa sem tónlistarmaður árið 2014. Í textum hans er Kópavogur alltaf í forgrunni og hefur verið frá upphafi. 

Saman á parið tvo drengi. Ekki er vitað hvert fjölskyldan er að flytja en miklar líkur eru á því að þau haldi sig innan bæjarins. 

„Heitan pott út á svalir“

Parið festi kaup á umræddri eign í júlí í fyrra og greiddu 147,9 milljónir fyrir. Ásett verð fyrir eignina í dag er 157,9 milljónir.

Um er að ræða 168,8 fermetra þakíbúð í nýlegu lyftuhúsi með fallegu útsýni til suðurs.

Stofa, borðstofa og eldhús renna saman í eitt, þaðan er útgengt á svalir til vestur. Í eldhúsinu er innrétting í tveimur mismunandi brúnlita tónum, annars vegar í dökkum við og hins vegar ljósdröppuðum lit. Á borðum er svört borðplata. Fyrir miðju stór eyja með góðri vinnuaðstöðu. Á gólfum er ljóst viðarparket.

Samtals eru fjögur svefnherbergi og þrjú baðherbergi, þar af er rúmgóð hjónasvíta með innangengdu fataherbergi og baðherbergi. Þaðan er gengið út stórar þaksvalir til vesturs með heitum potti og saunu. 

Í lagi Herra Hnetusmjörs, sem ber nafn myndlistarmannsins Ella Egils, vísar hann í íbúðina. Í texta lagsins segir: „Range Rover í hlaðið, heitan pott út á svalir“ og „Búnt á skenkinn, Elli Egils á vegginn,“ en á veggnum í stofunni má sjá stærðarinnar listaverk eftir Ella Egils. Það má því segja að um sögulega eign sé að ræða.

Nánari upplýsingar á fasteignavef Vísis.