Innlent

Arf­taki 757-þotunnar ekki í boði frá Boeing

Kristján Már Unnarsson skrifar
Leifur Magnússon, fyrrverandi framkvæmdastjóri hjá Icelandair, annaðist kaupin á 757-þotunum fyrir hönd félagsins. Í þættinum lýsir hann mati sínu á því hversvegna Boeing gaf 757-þotuna upp á bátinn.
Leifur Magnússon, fyrrverandi framkvæmdastjóri hjá Icelandair, annaðist kaupin á 757-þotunum fyrir hönd félagsins. Í þættinum lýsir hann mati sínu á því hversvegna Boeing gaf 757-þotuna upp á bátinn. Egill Aðalsteinsson

Boeing-verksmiðjurnar hættu smíði 757-þotunnar árið 2004, þeirrar flugvélartegundar sem byggði upp Icelandair. Boeing hefur til þessa ekki getað boðið flugfélögum upp á annan valkost sem getur algerlega komið í staðinn fyrir 757-vélina.

Ráðamenn Icelandair gera núna ráð fyrir að hætta rekstri hennar endanlega eftir sumarið 2027. Í staðinn hafa þeir valið langdrægar Airbus A321-þotur til að leysa hana af hólmi.

Linda Gunnarsdóttir, yfirflugstjóri Icelandair, í flugstjórasæti Boeing 757. Hún er meðal þeirra sem fram koma í þættinum.Egill Aðalsteinsson

Boeing var um tíma með áform um smíði arftaka 757-þotunnar. Sú flugvél gekk undir heitinu Boeing 797 og var hugsuð sem lítil breiðþota. Hún hefur ekki enn náð lengra en á teikniborðið.

Í þættinum Flugþjóðin á Stöð 2, um 757-þotuna í þjónustu Icelandair, er varpað fram þeim spurningum hvort það hafi verið misráðið hjá Boeing að hætta framleiðslu 757 svo snemma og hvort fyrirtækið hefði fremur átt að endurbæta hana, líkt og gert var með 737-þoturnar, eins og með sparneytnari hreyflum. Hér má sjá tíu mínútna kafla:

Þátturinn um Boeing 757-þotuna er endursýndur á Stöð 2 síðdegis í dag, sunnudag, klukkan 17:45.

Í næsta þætti á þriðjudagskvöld, 1. apríl, verður fjallað um Airbus-þoturnar sem stefna í að verða burðarásinn í farþegaflugi til og frá Íslandi eftir að Icelandair valdi þær sem arftaka 757-vélanna.

Íslendingar höfðu áður kynnst Airbus-þotum í þjónustu Wow Air og Play. Íslandsflug varð þó fyrst íslenskra flugfélaga til að reka þotur frá evrópska flugvélaframleiðandanum.

Áskrifendur Stöðvar 2 og Stöðvar 2+ geta séð þættina um Flugþjóðina í streymisveitu Stöðvar 2 hvar og hvenær sem er.

Flugþjóðin Icelandair Boeing Airbus Fréttir af flugi

Tengdar fréttir

Vildu hætta Ameríkuflugi en keyptu svo 757-þotuna

Verulegar efasemdir voru innan stjórnar Flugleiða á níunda áratugnum um hvort rétt væri að halda áfram flugi til Ameríku. Meirihluti stjórnarinnar hallaðist að því að félagið einbeitti sér að Evrópuflugi og að Ameríkuflugi yrði hætt.

Sigríður segir Boeing 757 vera uppáhaldsflugvélina

Sigríður Einarsdóttir varð fyrst íslenskra kvenna til að gegna störfum atvinnuflugmanns. Þegar hún er spurð, að loknum 38 ára starfsferli sem flugmaður og flugstjóri, hver sé uppáhaldsflugvélin er svarið: Boeing 757.

Fyrstu 757-þotu Íslendinga lagt eftir 33 ára þjónustu

Fyrstu Boeing 757-þotunni sem Íslendingar eignuðust, TF-FIH, hefur núna verið lagt, eftir 33 ára þjónustu hjá Icelandair. Engin flugvélartegund hefur þjónað íslenskum flugfarþegum jafn lengi og þessi.

Mest lesið


Fleiri fréttir

Sjá meira


×

Mest lesið