Innlent

MAST rann­sakar gat á sjókví Arnar­lax í Pat­reks­firði

Lovísa Arnardóttir skrifar
Gatið uppgötvaðist á fimmtudag og var lokað samdægurs. Síðast var farið í eftirlit 32. febrúar.
Gatið uppgötvaðist á fimmtudag og var lokað samdægurs. Síðast var farið í eftirlit 32. febrúar. Vísir/Vilhelm

Matvælastofnun hefur til rannsóknar gat á nótarpoka í sjókví Arnarlax við Vatnseyri í Patreksfirði. Gat á nótunni uppgötvaðist síðasta fimmtudag, 20. Mars, og var lokað samdægurs. Matvælastofnun rannsakar meðal annars hvort strok hafi átt sér stað og hvort Arnarlax hafi virkjað og farið eftir eigin verklagsreglum og viðbragðsáætlunum.

Frá þessu er greint í tilkynningu frá Matvælastofnun. Þar kemur einnig fram að gatið hafi uppgötvast við reglubundið neðansjávareftirlit. Við var lokið samdægurs.

Samkvæmt upplýsingum Arnarlax var gatið um 50 x 25 cm rifa á 20 metra dýpi. Í þessari tilteknu kví voru 117.133 laxar með meðalþyngd um það bil þrjú kílógrömm. Neðansjávareftirlit var síðast framkvæmt 23. febrúar síðastliðinn samkvæmt tilkynningunni og var nótarpoki þá heill.

Matvælastofnun fyrirskipaði samkvæmt tilkynningunni að kafað yrði í allar eldiskvíar á eldissvæðinu til að ganga úr skugga um að sambærileg göt væru ekki til staðar á öðrum eldiskvíum. Auk þess fyrirskipaði stofnunin að kafað yrði undir þessa tilteknu eldiskví í leit að mögulegum stroklax. Lögð voru út net í grennd við eldiskví í samráði við Fiskistofu til að fanga mögulegan stroklax. Enginn lax veiddist í net eða sáust við köfun undir kví.

MAST mun að lokinni rannsókn gefa út eftirlitsskýrslu og birta hana á mælaborði fiskeldis á heimasíðu Matvælastofnunar.

Sjókvíaeldi Fiskeldi Matvælaframleiðsla Vesturbyggð

Tengdar fréttir

Stórfelldur laxadauði í Berufirði

Stórfelldur laxadauði var í nóvember, desember og janúar í sjókvíum í Berufirði en þar er fiskeldisfyrirtækið Kaldvík með aðstöðu. Fyrirtækið þurfti að farga tugþúsundum eldislaxa sem voru ýmist dauðir vegna vetrarsára eða áttu sér enga lífsvon vegna þess hversu illa leiknir þeir voru.

Leyfið gefið út í trássi við öryggi sjófarenda

Matvælastofnun hefur veitt Arnarlaxi ehf. rekstrarleyfi til fiskeldis á þremur stöðum í Ísafjarðardjúpi. Samgöngustofa mat það svo að óheimilt væri að veita leyfi á tveimur staðanna, með tilliti til siglingaöryggis.

Mest lesið


Fleiri fréttir

Sjá meira


×

Mest lesið