Er betra fyrir Ísland að vinna eða tapa? Sindri Sverrisson skrifar 20. mars 2025 07:30 Albert Guðmundsson lék síðast með landsliðinu í umspilinu um sæti á EM, fyrir ári síðan, en þangað komst Ísland vegna árangurs í Þjóðadeildinni. Getty/Rafal Oleksiewicz Væri kannski best fyrir Ísland að tapa fyrir Kósovó í kvöld? Myndi það koma liðinu nær eða fjær EM 2028? Hvaða máli skiptir þetta umspil í Þjóðadeildinni eiginlega? Það væri líklega sterkur leikur hjá Knattspyrnusambandi Evrópu að sýna með afdráttarlausum hætti að svarið sé auðvitað, alltaf, að betra sé að vinna leiki en að tapa þeim. En er það þannig í Þjóðadeildarumspilinu? Sterkari mótherjar og hærri upphæðir Tvennt er að minnsta kosti á hreinu. Það er betra fyrir Ísland að vinna Kósovó og spila áfram í B-deild Þjóðadeildarinnar í stað C upp á það að gera að fá leiki við sterkari mótherja. Það hlýtur að gagnast Arnari Gunnlaugssyni betur, og vera skemmtilegra fyrir alla, að fá leiki við Svíþjóð og Sviss á næsta ári frekar en við Kýpur og Færeyjar. Svo eru það peningarnir. Það að spila í B-deild tryggir KSÍ hærra lágmarksverðlaunafé en að spila í C-deild (sirka 220 milljónir króna í stað 165 milljóna á síðustu leiktíð). Það flækir þó málið hvað þetta varðar að sigurvegarar riðla í C-deild hafa fengið bónus og þar með hærri upphæð samtals en lið sem endar í 2., 3. eða 4. sæti síns riðils í B-deild. Arnór Ingvi Traustason skallar boltann í úrslitaleiknum við Úkraínu um sæti á EM í fyrra.Getty/Rafal Oleksiewicz Leiðin inn á stórmót Vandamálið við Þjóðadeildina er að virðingin fyrir henni er ekki sú sama og fyrir EM og HM. Þess vegna horfa margir á hana sem keppni sem fyrst og fremst nýtist sem varaleið inn á stórmótin. Þetta þekkja Íslendingar eftir að hafa komist í umspil um sæti á síðustu tveimur Evrópumótum út frá Þjóðadeildinni. Og ef við ætlum einungis að horfa á Þjóðadeildina sem hjálp til að komast á EM þá er bara mjög erfitt að svara því hvort sé betra að vera í B- eða C-deild. Hákon Arnar Haraldsson er mættur aftur í landsliðið eftir meiðsli í haust. Hann spilaði í EM-umspilinu í fyrra.Getty/Rafal Oleksiewicz Það er ekki búið að gefa út hvernig næsta leiktíð Þjóðadeildar mun hafa áhrif á undankeppni EM 2028 en það hefur verið þannig að árangur í Þjóðadeildinni getur gefið leið í umspil um stórmótasæti. Þægilegra fyrir Georgíu en Ísland? Ef við miðum við síðasta EM þá komst til dæmis Georgía á mótið í gegnum C-deildar umspil úr Þjóðadeild sem í voru einnig Lúxemborg, Kasakstan og Grikklandi. Ísland fór í B-umspilið með Ísrael, Bosníu og Úkraínu en hefði allt eins getað endað í umspili með Póllandi og Wales úr A-deild. Hefði þá ekki verið betra að vera í sporum Georgíu? Hefði ekki líka verið betra að spila í C-deild á þeirri leiktíð Þjóðadeildarinnar sem nú er að ljúka? Aðeins sigurvegarar riðla eiga möguleika á að komast í umspil um HM-sæti út frá árangri í Þjóðadeildinni, svo það er þannig séð betra að hafa unnið riðil í C-deild en að enda í 2. sæti riðils í A-deild. Meira að segja San Marínó er nær því en Ísland að komast í HM-umspilið gegnum Þjóðadeildina. Á móti kemur að töp og sigrar hafa áhrif á stöðu á styrkleikalistum, svo að hver sigur hjálpar Íslandi að vera í efri styrkleikaflokki þegar dregið er í hinar raunverulegu undankeppnir stórmóta. Liðið var til að mynda í þriðja flokki af fimm þegar dregið var í undankeppni HM en Kósovó í þeim fjórða. Á stórmót án þróunaraðstoðar Er þá auðvelt að svara því hvort betra sé fyrir Ísland að vinna einvígið við Kósovó? Ekki svo en það hljóta þó allir að vonast eftir skýrum merkjum um að bjartir tímar bíði undir stjórn Arnars og enginn ætti að þurfa að velkjast í vafa um að markmið hans, Orra fyrirliða og hinna strákanna í íslenska liðinu sé skýrt; góð frammistaða og sigur. Að sýna að þetta sé lið sem geti komist á stórmót algjörlega án þróunaraðstoðar Þjóðadeildarinnar. Fyrri leikur Kósovó og Íslands hefst klukkan 19:45 í kvöld og sá seinni, heimaleikur Íslands, er á Spáni á sunnudag klukkan 17. Báðir leikir eru í beinni útsendingu og opinni dagskrá á Stöð 2 Sport. Þjóðadeild karla í fótbolta Landslið karla í fótbolta Tengdar fréttir Heimir segir dýrmætt að forðast fall Heimir Hallgrímsson, landsliðsþjálfari Íra, segir að burtséð frá vangaveltum um möguleika á að komast í lokakeppni EM 2028 þá sé einfaldlega dýrmætt fyrir írska liðið að vinna Búlgaríu og forðast fall niður í C-deild Þjóðadeildarinnar í fótbolta. 19. mars 2025 14:31 Mest lesið Jackson neyddur aftur til Chelsea þvert gegn vilja sínum Fótbolti Hjörvar tók Nablann í fangið meðan stressið náði hámarki Fótbolti Myndasyrpa: Stúkan blá í svekkjandi tapi Körfubolti Skýrsla Vals: Illt í sálinni Körfubolti Loyd kreisti fram sigur fyrir Pólland Körfubolti Uppgjörið: Þór/KA - Fram 1-2 | Dramatískur sigur Fram Íslenski boltinn EM í dag: Fimm mínútna martröð Körfubolti „Þessi sigur nærir meira en margir aðrir“ Sport Real Madrid áfram á sigurbraut Fótbolti Myndasyrpa: Íslendingarnir máluðu bæinn bláan Körfubolti Fleiri fréttir Jackson neyddur aftur til Chelsea þvert gegn vilja sínum Hjörvar tók Nablann í fangið meðan stressið náði hámarki Uppgjörið: Þór/KA - Fram 1-2 | Dramatískur sigur Fram Real Madrid áfram á sigurbraut Aron Einar meiddur en Brynjólfur hleypur í skarðið Hákon skoraði í stórsigri Uppgjörið: Twente - Breiðablik 2-0 | Blikar á leið í Evrópubikarinn Grindvíkingar í bullandi fallhættu eftir tap á Húsavík Markalaust ómarkvert jafntefli á Elland Road Uppgjörið: FHL-Stjarnan 0-3 | Stjörnukonur sóttu þrjú stig austur Bournemouth stöðvaði sigurgöngu Tottenham og Grealish áfram í stuði Ísak skoraði en var á bekknum þegar liðið missti frá sér sigurinn Vítaspyrna í uppbótartíma bjargaði United fyrir horn Chelsea á toppnum eftir tvo umdeilda dóma Langþráður leikur Bryndísar Örnu Segja Manchester United skulda Antony 996 milljónir í laun Uppgjör: Valur-Inter 1-4 | Fanndís skoraði hjá Cecilíu en það dugði skammt Tuchel baðst afsökunar: „Ég ætti að vita betur“ Sjáðu mörkin hjá sex yngstu markaskorum í sögu Liverpool Vallarþulurinn fékk rauða spjaldið Skrautlegar aðstæður hjá Valsstelpunum á Ítalíu Auðveldara hjá Arsenal og Tottenham í Meistaradeildinni Hefur ekki gerst hjá enska landsliðinu í 33 ár Romano segir Real Betis hafa dregið samþykkt tilboð í Antony til baka Tommi Steindórs fór á kostum í framburðarprófi Fylkismenn með þriðja sigur sinn í röð Fyrsta tapið hjá Willum og félögum kom í Leicester Modric lagði upp í fyrsta sigri AC Milan Þróttur á toppinn eftir endurkomusigur en Njarðvík vann líka Brynjólfur með tvö í kvöld og er orðinn markahæstur í hollensku deildinni Sjá meira
Það væri líklega sterkur leikur hjá Knattspyrnusambandi Evrópu að sýna með afdráttarlausum hætti að svarið sé auðvitað, alltaf, að betra sé að vinna leiki en að tapa þeim. En er það þannig í Þjóðadeildarumspilinu? Sterkari mótherjar og hærri upphæðir Tvennt er að minnsta kosti á hreinu. Það er betra fyrir Ísland að vinna Kósovó og spila áfram í B-deild Þjóðadeildarinnar í stað C upp á það að gera að fá leiki við sterkari mótherja. Það hlýtur að gagnast Arnari Gunnlaugssyni betur, og vera skemmtilegra fyrir alla, að fá leiki við Svíþjóð og Sviss á næsta ári frekar en við Kýpur og Færeyjar. Svo eru það peningarnir. Það að spila í B-deild tryggir KSÍ hærra lágmarksverðlaunafé en að spila í C-deild (sirka 220 milljónir króna í stað 165 milljóna á síðustu leiktíð). Það flækir þó málið hvað þetta varðar að sigurvegarar riðla í C-deild hafa fengið bónus og þar með hærri upphæð samtals en lið sem endar í 2., 3. eða 4. sæti síns riðils í B-deild. Arnór Ingvi Traustason skallar boltann í úrslitaleiknum við Úkraínu um sæti á EM í fyrra.Getty/Rafal Oleksiewicz Leiðin inn á stórmót Vandamálið við Þjóðadeildina er að virðingin fyrir henni er ekki sú sama og fyrir EM og HM. Þess vegna horfa margir á hana sem keppni sem fyrst og fremst nýtist sem varaleið inn á stórmótin. Þetta þekkja Íslendingar eftir að hafa komist í umspil um sæti á síðustu tveimur Evrópumótum út frá Þjóðadeildinni. Og ef við ætlum einungis að horfa á Þjóðadeildina sem hjálp til að komast á EM þá er bara mjög erfitt að svara því hvort sé betra að vera í B- eða C-deild. Hákon Arnar Haraldsson er mættur aftur í landsliðið eftir meiðsli í haust. Hann spilaði í EM-umspilinu í fyrra.Getty/Rafal Oleksiewicz Það er ekki búið að gefa út hvernig næsta leiktíð Þjóðadeildar mun hafa áhrif á undankeppni EM 2028 en það hefur verið þannig að árangur í Þjóðadeildinni getur gefið leið í umspil um stórmótasæti. Þægilegra fyrir Georgíu en Ísland? Ef við miðum við síðasta EM þá komst til dæmis Georgía á mótið í gegnum C-deildar umspil úr Þjóðadeild sem í voru einnig Lúxemborg, Kasakstan og Grikklandi. Ísland fór í B-umspilið með Ísrael, Bosníu og Úkraínu en hefði allt eins getað endað í umspili með Póllandi og Wales úr A-deild. Hefði þá ekki verið betra að vera í sporum Georgíu? Hefði ekki líka verið betra að spila í C-deild á þeirri leiktíð Þjóðadeildarinnar sem nú er að ljúka? Aðeins sigurvegarar riðla eiga möguleika á að komast í umspil um HM-sæti út frá árangri í Þjóðadeildinni, svo það er þannig séð betra að hafa unnið riðil í C-deild en að enda í 2. sæti riðils í A-deild. Meira að segja San Marínó er nær því en Ísland að komast í HM-umspilið gegnum Þjóðadeildina. Á móti kemur að töp og sigrar hafa áhrif á stöðu á styrkleikalistum, svo að hver sigur hjálpar Íslandi að vera í efri styrkleikaflokki þegar dregið er í hinar raunverulegu undankeppnir stórmóta. Liðið var til að mynda í þriðja flokki af fimm þegar dregið var í undankeppni HM en Kósovó í þeim fjórða. Á stórmót án þróunaraðstoðar Er þá auðvelt að svara því hvort betra sé fyrir Ísland að vinna einvígið við Kósovó? Ekki svo en það hljóta þó allir að vonast eftir skýrum merkjum um að bjartir tímar bíði undir stjórn Arnars og enginn ætti að þurfa að velkjast í vafa um að markmið hans, Orra fyrirliða og hinna strákanna í íslenska liðinu sé skýrt; góð frammistaða og sigur. Að sýna að þetta sé lið sem geti komist á stórmót algjörlega án þróunaraðstoðar Þjóðadeildarinnar. Fyrri leikur Kósovó og Íslands hefst klukkan 19:45 í kvöld og sá seinni, heimaleikur Íslands, er á Spáni á sunnudag klukkan 17. Báðir leikir eru í beinni útsendingu og opinni dagskrá á Stöð 2 Sport.
Þjóðadeild karla í fótbolta Landslið karla í fótbolta Tengdar fréttir Heimir segir dýrmætt að forðast fall Heimir Hallgrímsson, landsliðsþjálfari Íra, segir að burtséð frá vangaveltum um möguleika á að komast í lokakeppni EM 2028 þá sé einfaldlega dýrmætt fyrir írska liðið að vinna Búlgaríu og forðast fall niður í C-deild Þjóðadeildarinnar í fótbolta. 19. mars 2025 14:31 Mest lesið Jackson neyddur aftur til Chelsea þvert gegn vilja sínum Fótbolti Hjörvar tók Nablann í fangið meðan stressið náði hámarki Fótbolti Myndasyrpa: Stúkan blá í svekkjandi tapi Körfubolti Skýrsla Vals: Illt í sálinni Körfubolti Loyd kreisti fram sigur fyrir Pólland Körfubolti Uppgjörið: Þór/KA - Fram 1-2 | Dramatískur sigur Fram Íslenski boltinn EM í dag: Fimm mínútna martröð Körfubolti „Þessi sigur nærir meira en margir aðrir“ Sport Real Madrid áfram á sigurbraut Fótbolti Myndasyrpa: Íslendingarnir máluðu bæinn bláan Körfubolti Fleiri fréttir Jackson neyddur aftur til Chelsea þvert gegn vilja sínum Hjörvar tók Nablann í fangið meðan stressið náði hámarki Uppgjörið: Þór/KA - Fram 1-2 | Dramatískur sigur Fram Real Madrid áfram á sigurbraut Aron Einar meiddur en Brynjólfur hleypur í skarðið Hákon skoraði í stórsigri Uppgjörið: Twente - Breiðablik 2-0 | Blikar á leið í Evrópubikarinn Grindvíkingar í bullandi fallhættu eftir tap á Húsavík Markalaust ómarkvert jafntefli á Elland Road Uppgjörið: FHL-Stjarnan 0-3 | Stjörnukonur sóttu þrjú stig austur Bournemouth stöðvaði sigurgöngu Tottenham og Grealish áfram í stuði Ísak skoraði en var á bekknum þegar liðið missti frá sér sigurinn Vítaspyrna í uppbótartíma bjargaði United fyrir horn Chelsea á toppnum eftir tvo umdeilda dóma Langþráður leikur Bryndísar Örnu Segja Manchester United skulda Antony 996 milljónir í laun Uppgjör: Valur-Inter 1-4 | Fanndís skoraði hjá Cecilíu en það dugði skammt Tuchel baðst afsökunar: „Ég ætti að vita betur“ Sjáðu mörkin hjá sex yngstu markaskorum í sögu Liverpool Vallarþulurinn fékk rauða spjaldið Skrautlegar aðstæður hjá Valsstelpunum á Ítalíu Auðveldara hjá Arsenal og Tottenham í Meistaradeildinni Hefur ekki gerst hjá enska landsliðinu í 33 ár Romano segir Real Betis hafa dregið samþykkt tilboð í Antony til baka Tommi Steindórs fór á kostum í framburðarprófi Fylkismenn með þriðja sigur sinn í röð Fyrsta tapið hjá Willum og félögum kom í Leicester Modric lagði upp í fyrsta sigri AC Milan Þróttur á toppinn eftir endurkomusigur en Njarðvík vann líka Brynjólfur með tvö í kvöld og er orðinn markahæstur í hollensku deildinni Sjá meira
Heimir segir dýrmætt að forðast fall Heimir Hallgrímsson, landsliðsþjálfari Íra, segir að burtséð frá vangaveltum um möguleika á að komast í lokakeppni EM 2028 þá sé einfaldlega dýrmætt fyrir írska liðið að vinna Búlgaríu og forðast fall niður í C-deild Þjóðadeildarinnar í fótbolta. 19. mars 2025 14:31