Michelle Trachtenberg er látin

Trachtenberg var þekktust fyrir hlutverk sín í þáttum á borð við Gossip Girl, þar sem hún lék vandræðagemsann Georginu Spark, Buffy the Vampire Slayer, og í kvikmyndinni Eurotrip.

ABC-fréttastofan hefur eftir móður Trachtenberg að andlátið hafi ekki borið að með saknæmum hætti. Hún fannst látin í íbúð sinni í New York-borg klukkan átta í morgun að staðartíma. 

Hún hafði glímt við áfengisvandamál um árabil og gekkst undir lifrarígræðsluna vegna þess. Síðustu daga hafði hún birt myndir á samfélagsmiðlum sem létu aðdáendur hafa áhyggjur af henni. Hún virtist föl og ekki í góðu standi. 

Eftir gríðarlegar vinsældir fyrstu ár þessarar aldar urðu hlutverkin mun færri síðustu ár. Hún lék síðast í kvikmynd árið 2014 og birtist í örfáaum þáttaröðum, þó oftast í gestahlutverki.