Makaði saur um allt á salerni fyrir­tækis

Þetta kemur fram í dagbók lögreglunnar, þar sem segir að lögregla hafi vísað manninum út. Hvar atvikið átti sér stað liggur ekki fyrir. 

Í sama hverfi var tilkynnt um heimatilbúna sprengju utandyra. Við skoðun komst í ljós að búið væri líma tvær tívolíbombur saman. Málið var afgreitt af lögreglu.

Lögreglu var einnig tilkynnt um innbrot í fyrirtæki í póstnúmeri 105, þar sem peningakassi hefði verið tekinn. Lögregla rannsakar málið. 

Þá var bæði lögreglu og slökkviliði tilkynnt af húsráðanda um mikinn reyk sem lagði frá örbylgjuofni í hverfi 108. Slökkviliðið reykræsti heimilið. Í sama hverfi var tilkynnt um grunsamlegar mannaferðir, mann að flækjast í görðum með hanska og grímu. Engan var að sjá þegar lögreglu bar að garði. 

Loks var heldur óvenjulegt mál að finna í dagbókinni en fram kemur að klæðning hafi fokið af vegg lögreglustöðvarinnar að Dalvegi í Kópavogi. Upplýsingar um umfang tjónsins liggja ekki fyrir.