Hellis­heiði og Þrengsli opna ekki fyrr en á morgun

Sama á við um Öxnadalsheiði sem Vegagerðin telur ekki líklegt að muni opna í dag. Snjóþekja og skafrenningur er á Þverárfjalli. Þetta kemur fram á vef Vegagerðarinnar umferðin.is.

Hálkublettir eða snjóþekja er víða á vegum á höfuðborgarsvæðinu og Mosfellsheiði en lokuð vegna veðurs. Einnig eru Holtavörðuheiði og Brattabrekka lokaðar og Vegagerðin telur ekki miklar líkur á því að þær muni opna í dag. Bent er á hjáleið um Laxárdalsheiði og Heydalsveg en að hálka og snjóþekja sé á flestum leiðum og vont færi víða.

Á Vestfjörðum er ófært á Steingrímsfjarðarheiði, Klettshálsi, Dynjandisheiði, Hálfdán og í Ísafjarðardjúpi en þungfært eða þæfingur víða á suðurströndinni og á Þröskuldum. Snjóþekja er á milli Þingeyrar og Ísafjarðar og þar í kring.

Fyrir austan er hálka á flestum og ófært um Breiðdalsheiði og Öxi.