Erlent

Far­þega­flug­vél hrapaði í Kasakstan

Rafn Ágúst Ragnarsson skrifar
Myndbönd af slysinu eru í dreifingu á samfélagsmiðlum.
Myndbönd af slysinu eru í dreifingu á samfélagsmiðlum. X

Farþegaflugvél hrapaði í nágrenni borgarinnar Aktau í Kasakstan í morgun. Fyrstu fréttir gefa til kynna að einhverjir hafi lifað hrapið af.

Samkvæmt kasökskum stjórnvöldum er unnið að því að slökkva elda sem kviknað hafa í flakinu. Myndbönd hafa þegar farið í dreifingu sem sýna slysið og eftirmála þess.

Rússneskumælandi miðlar greina frá því að flugið hafi verið á vegum Azerbaijan Airlines og hafi verið á leið frá Bakú til borgarinnar Grosní í Téténíu en hafi þurft að breyta leið sinni vegna þoku í Grosní.

Azerbaijan Airlines hefur ekki svarað fyrirspurnum fjölmiðla en samkvæmt kasökskum staðarmiðlum voru 105 farþegar og fimm áhafnarmeðlimir um borð þegar vélin hrapaði.

Fréttir af flugi Kasakstan Aserbaídsjan

Mest lesið


Fleiri fréttir

Sjá meira


×

Mest lesið