Lýsti yfir sak­leysi sínu

Mangione kom fyrir dómstól í dag en hann hefur verið ákærður af alríkissaksóknurum fyrir 11 glæpi, þar á meðal manndráp og hryðjuverk, en einnig fyrir að sitja um Thompson og að nota ólöglegan hljóðdeyfi þegar hann skaut hann. Fréttastofa BBC greinir frá.

Fjöldi fjölmiðlafólks var viðstaddur í dómsalnum en einnig margt ungra kvenna, sem sagðist vera þar til að sýna Mangione stuðning. Verði hann fundinn sekur um öll ákæruatriði á Mangione yfir höfði sér fangelsisdóm til lífstíðar, án þess að möguleiki væri á reynslulausn.

Brian Thompson, forstjóri UnitedHealthcare, var skotinn til bana fyrir utan hótel á Manhattan-eyju í New York-borg, 4. desember, þar sem Thompson var að halda árlega fjárfestaráðstefnu. Mangione er gefið að sök að hafa skotið hann til bana og flúið vettvang á hjóli í Central Park-almenningsgarð.

Mangione fannst loks á McDonald‘s stað í Altoona í Pennsylvaníu-ríki um fimm dögum síðar þar sem hann var handtekinn og færður í skýrslutöku.