Ljóst hvar stórmótin í kringum HM á Ís­landi verða

Bæði karla- og kvennalandslið Íslands eru nú farin að gera sig gildandi á Evrópumótum og því vel hægt að ímynda sér að Íslendingar ferðist á stórmótin sem hér um ræðir.

Strákarnir okkar hafa komist á hvert einasta EM frá og með árinu 2000 og er búið að raða þeim í riðil í Kristianstad í Svíþjóð á næsta EM, sem fram fer í janúar 2026. Eftir niðurstöðu EHF í dag eru þetta næstu gestgjafar EM karla:

2026: Danmörk, Noregur og Svíþjóð (úrslitahelgin í Herning)

2028: Portúgal, Spánn og Sviss (úrslitahelgin á Spáni)

2030: Tékkland, Pólland og Danmörk (úrslitahelgin í Prag)

2032: Þýskaland og Frakkland (úrslitahelgin í Þýskalandi)

Áður hafði komið fram að strákarnir okkar yrðu á heimavelli á HM 2031 því Ísland mun halda það mót ásamt Noregi og Danmörku, að því gefnu að ný þjóðarhöll verði þá risin.

EHF þarf að finna gestgjafa 2030

Stelpurnar okkar léku á EM sem brátt er að ljúka og farið hefur fram í Ungverjalandi, Sviss og Austurríki, og var það fyrsta Evrópumót þeirra síðan árið 2012.

Rússar áttu að halda næsta Evrópumót en það var tekið af þeim eftir innrás þeirra í Úkraínu.

Gestgjafar næstu Evrópumóta kvenna eru:

2026: Tékkland, Pólland, Rúmenía, Slóvakía og Tyrkland

2028: Danmörk, Noregur og Svíþjóð

2030: Engin umsókn og í höndum framkvæmdaráðs EHF að ákveða

2032: Þýskaland, Danmörk og Pólland (úrslitahelgin í Þýskalandi)