„RÚV er sá fjölmiðill sem er líklega einna lengst til vinstri á Íslandi“ Jón Ísak Ragnarsson skrifar 22. nóvember 2024 23:34 Snorri Másson er oddviti Miðflokksins í Reykjavíkurkjördæmi suður. Vísir/Einar Snorri Másson ber Ríkisútvarpið þungum sökum í nýju myndbandi sem farið hefur eins og eldur í sinu á samfélagsmiðlum. Hann segir fjölmiðilinn vera líklega einna lengst til vinstri á hinum pólitíska kvarða á Íslandi, og segir hann hafa fjallað undarlega um Miðflokkinn á Tiktok. „Hvað er Miðflokkurinn?“ spyr RÚV í myndbandinu sem Snorri tekur til umfjöllunar, en þar er því haldið fram að, þrátt fyrir nafnið, sé Miðflokkurinn líklega lengst til hægri af þeim flokkum sem sitja á þingi. Miðflokkurinn svarar þessu og spyr: „Hvað er RÚV?“, áður en Snorri segir miðilinn líklega lengst til vinstri á hinum pólitíska kvarða á Íslandi. Snorri heldur svo áfram og segir að vinstri slagsíðan væri ekkert stórmál, nema fyrir þær sakir að skattgreiðendur þurfa að borga fyrir „allt dæmið“. Snorri tók svo til umfjöllun Ríkisútvarpsins um stefnu Miðflokksins í hælisleitendamálum, en þau sögðu yfirlýsta stefnu flokksins vera að enginn kæmi til landsins. Löguðum aðeins umfjöllunina ykkar @RUVfrettir pic.twitter.com/SriiYHVhBh— Snorri Másson ritstjóri (@5norri) November 21, 2024 „Þarna er ekki tekið fram að við viljum í staðinn fyrir þetta hafa stjórn á málunum sjálf. Bjóða fólki í raunverulegri neyð til landsins og taka þá almennilega á móti því, ólíkt því óreiðuástandi sem nú ríkir,“ Þá sagði hann einnig að snúið væri út úr stefnu flokksins í loftslagsmálum. Í lokinn tekur hann fyrir kynningu Ríkisútvarpsins á Samfylkingunni í sambærilegu myndbandi á Tiktok, þar sem þau segja meginstefnu flokksins vera „jöfnuður, sjálfbærni og friður,“ „Miðflokkurinn styður þetta reyndar líka allt, en þið gleymduð að taka það fram ... Það mætti halda að markmiðið sé að láta okkur koma svolítið illa út,“ segir Snorri. Fyrst og fremst tilraun til að réttlæta atriðin sem komu fram um Miðflokkinn Snorri segir að hann hafi fundið fyrir einhverjum undarlegum undirtóni í umræddu Tiktok myndbandi, og flokkurinn hafi viljað gera þetta myndband til að fara yfir örfá atriði. „Ég get auðvitað ekki borað mér leið inn í heilabú þessa fjölmiðlafólks til að fullyrða svo fullum fetum að þaðan sé rekin tiltekin pólitísk stefna af einbeittum ásetningi. En það er þó upplifun sífellt fleiri hlustenda að hlutleysis sé ekki gætt. Það ber að taka alvarlega. Mínar athugasemdir voru þó fyrst og fremst tilraun til að réttlæta ákveðin atriði sem komu fram um okkur,“ segir Snorri. Hins vegar sé ekki galið að álykta út frá viðbrögðunum við myndbandinu að það sé tiltölulega útbreidd tilfinning meðal fólks að þessarar tilhneigingar gæti hjá Ríkisútvarpinu. „Mér finnst þetta alveg umræða sem vert er að taka, hvort að Ríkisútvarpið endurspegli eitthvað sem fólk telur almennt vera hlutlausa nálgun á stjórnmálin. Það er erfitt, það er ekkert einfalt að gæta hlutleysis,“ segir Snorri. Á vissan hátt sé óhjákvæmilegt að ákveðin pólitík myndist í flestum fjölmiðlum, það myndist ákveðin menning. Því sé það viss ómöguleiki að vera alveg hlutlaus, þótt það sé alltaf yfirlýst stefna. Sú annars göfuga stefna sé hæpnari í því upplýsingaumhverfi sem við búum við núna. Fólk geti veitt Ríkisútvarpinu aðhald með frjálsri ráðstöfun útvarpsgjaldsins Snorri segir að tillaga Miðflokksins um að fólk ákveði sjálft til hvaða fjölmiðils útvarpsgjaldið renni, leysi þennan vanda. Hann tekur þó sérstaklega fram að hugmyndin sé vitaskuld ótengd því hvernig þeim finnist pólitíkin liggja hjá Ríkisútvarpinu núna. Slíkt geti verið breytilegt eftir umhverfi, málið sé prinsippmál. „Ef að það ríkir 100 prósent almenn ánægja með ríkisútvarpið eins og það er núna, þá myndi engin breyting verða á og við fengjum það staðfest að það ríkir sátt um þetta. Ef fólk myndi hins vegar streyma í aðrar áttir myndi RÚV kannski líta á það sem skilaboð frá markaðnum um að það þurfi að hegða sér meira í takt við vilja fólks og þá væri það líka góð niðurstaða,“ segir Snorri. Miðflokkurinn Alþingiskosningar 2024 Ríkisútvarpið Mest lesið Það sem við vitum og vitum ekki um manndrápið hrottalega Innlent Sólrún fundin á Spáni Innlent Prestur sakar oddvita um ólýðræðislega hallarbyltingu í veiðifélagi Innlent Stoppaður af vegfaranda sem spurði: „Hvað er þetta?“ Innlent Rannsaka dráp á sjúkraliðum en neita að þeir hafi verið teknir af lífi Erlent Enn skjálftahrina við Trölladyngju Innlent Dregur úr skjálftavirkni í kvikugangi en hrina í Trölladyngju fannst víða Innlent Vaka jók við meirihlutann í stúdentaráði Innlent Ekkert spurst til Sólrúnar á Spáni í nokkra daga Innlent Viðbúnaður í Vesturbæ vegna leitar Innlent Fleiri fréttir Langflestir telja afsögn Ásthildar rétta ákvörðun Ný könnun um viðhorf til veiðigjalda Það sem við vitum og vitum ekki um manndrápið hrottalega Vaka jók við meirihlutann í stúdentaráði Dregur úr skjálftavirkni í kvikugangi en hrina í Trölladyngju fannst víða Prestur sakar oddvita um ólýðræðislega hallarbyltingu í veiðifélagi Enn skjálftahrina við Trölladyngju Tólf mánaða fangelsi fyrir að bera sig og áreita börn Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Stuttu eldgosi lokið Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Sjá meira
„Hvað er Miðflokkurinn?“ spyr RÚV í myndbandinu sem Snorri tekur til umfjöllunar, en þar er því haldið fram að, þrátt fyrir nafnið, sé Miðflokkurinn líklega lengst til hægri af þeim flokkum sem sitja á þingi. Miðflokkurinn svarar þessu og spyr: „Hvað er RÚV?“, áður en Snorri segir miðilinn líklega lengst til vinstri á hinum pólitíska kvarða á Íslandi. Snorri heldur svo áfram og segir að vinstri slagsíðan væri ekkert stórmál, nema fyrir þær sakir að skattgreiðendur þurfa að borga fyrir „allt dæmið“. Snorri tók svo til umfjöllun Ríkisútvarpsins um stefnu Miðflokksins í hælisleitendamálum, en þau sögðu yfirlýsta stefnu flokksins vera að enginn kæmi til landsins. Löguðum aðeins umfjöllunina ykkar @RUVfrettir pic.twitter.com/SriiYHVhBh— Snorri Másson ritstjóri (@5norri) November 21, 2024 „Þarna er ekki tekið fram að við viljum í staðinn fyrir þetta hafa stjórn á málunum sjálf. Bjóða fólki í raunverulegri neyð til landsins og taka þá almennilega á móti því, ólíkt því óreiðuástandi sem nú ríkir,“ Þá sagði hann einnig að snúið væri út úr stefnu flokksins í loftslagsmálum. Í lokinn tekur hann fyrir kynningu Ríkisútvarpsins á Samfylkingunni í sambærilegu myndbandi á Tiktok, þar sem þau segja meginstefnu flokksins vera „jöfnuður, sjálfbærni og friður,“ „Miðflokkurinn styður þetta reyndar líka allt, en þið gleymduð að taka það fram ... Það mætti halda að markmiðið sé að láta okkur koma svolítið illa út,“ segir Snorri. Fyrst og fremst tilraun til að réttlæta atriðin sem komu fram um Miðflokkinn Snorri segir að hann hafi fundið fyrir einhverjum undarlegum undirtóni í umræddu Tiktok myndbandi, og flokkurinn hafi viljað gera þetta myndband til að fara yfir örfá atriði. „Ég get auðvitað ekki borað mér leið inn í heilabú þessa fjölmiðlafólks til að fullyrða svo fullum fetum að þaðan sé rekin tiltekin pólitísk stefna af einbeittum ásetningi. En það er þó upplifun sífellt fleiri hlustenda að hlutleysis sé ekki gætt. Það ber að taka alvarlega. Mínar athugasemdir voru þó fyrst og fremst tilraun til að réttlæta ákveðin atriði sem komu fram um okkur,“ segir Snorri. Hins vegar sé ekki galið að álykta út frá viðbrögðunum við myndbandinu að það sé tiltölulega útbreidd tilfinning meðal fólks að þessarar tilhneigingar gæti hjá Ríkisútvarpinu. „Mér finnst þetta alveg umræða sem vert er að taka, hvort að Ríkisútvarpið endurspegli eitthvað sem fólk telur almennt vera hlutlausa nálgun á stjórnmálin. Það er erfitt, það er ekkert einfalt að gæta hlutleysis,“ segir Snorri. Á vissan hátt sé óhjákvæmilegt að ákveðin pólitík myndist í flestum fjölmiðlum, það myndist ákveðin menning. Því sé það viss ómöguleiki að vera alveg hlutlaus, þótt það sé alltaf yfirlýst stefna. Sú annars göfuga stefna sé hæpnari í því upplýsingaumhverfi sem við búum við núna. Fólk geti veitt Ríkisútvarpinu aðhald með frjálsri ráðstöfun útvarpsgjaldsins Snorri segir að tillaga Miðflokksins um að fólk ákveði sjálft til hvaða fjölmiðils útvarpsgjaldið renni, leysi þennan vanda. Hann tekur þó sérstaklega fram að hugmyndin sé vitaskuld ótengd því hvernig þeim finnist pólitíkin liggja hjá Ríkisútvarpinu núna. Slíkt geti verið breytilegt eftir umhverfi, málið sé prinsippmál. „Ef að það ríkir 100 prósent almenn ánægja með ríkisútvarpið eins og það er núna, þá myndi engin breyting verða á og við fengjum það staðfest að það ríkir sátt um þetta. Ef fólk myndi hins vegar streyma í aðrar áttir myndi RÚV kannski líta á það sem skilaboð frá markaðnum um að það þurfi að hegða sér meira í takt við vilja fólks og þá væri það líka góð niðurstaða,“ segir Snorri.
Miðflokkurinn Alþingiskosningar 2024 Ríkisútvarpið Mest lesið Það sem við vitum og vitum ekki um manndrápið hrottalega Innlent Sólrún fundin á Spáni Innlent Prestur sakar oddvita um ólýðræðislega hallarbyltingu í veiðifélagi Innlent Stoppaður af vegfaranda sem spurði: „Hvað er þetta?“ Innlent Rannsaka dráp á sjúkraliðum en neita að þeir hafi verið teknir af lífi Erlent Enn skjálftahrina við Trölladyngju Innlent Dregur úr skjálftavirkni í kvikugangi en hrina í Trölladyngju fannst víða Innlent Vaka jók við meirihlutann í stúdentaráði Innlent Ekkert spurst til Sólrúnar á Spáni í nokkra daga Innlent Viðbúnaður í Vesturbæ vegna leitar Innlent Fleiri fréttir Langflestir telja afsögn Ásthildar rétta ákvörðun Ný könnun um viðhorf til veiðigjalda Það sem við vitum og vitum ekki um manndrápið hrottalega Vaka jók við meirihlutann í stúdentaráði Dregur úr skjálftavirkni í kvikugangi en hrina í Trölladyngju fannst víða Prestur sakar oddvita um ólýðræðislega hallarbyltingu í veiðifélagi Enn skjálftahrina við Trölladyngju Tólf mánaða fangelsi fyrir að bera sig og áreita börn Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Stuttu eldgosi lokið Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Sjá meira