Sykurlausar og dísætar smá­kökur

Hollar smákökur sem gleðja alla fjölskylduna

Sykurlausar smákökur sem krakkarnir elska. Með lífrænum höfrum, möndlum, kókos og dásamlegum medjool döðlum. 

Hráefni:

135g lífrænir hafrar

100g möndlur

60g kókos

14 stórar medjool döðlur

1 tsk kanill

„Ég elska að nota döðlur í uppskriftir sem náttúrulegan sykurvalkost! Þær eru heilsusamlegar, gefa sætt bragð sem minnir á karamellu, eru fullar af steinefnum og trefjum. Hvað er ekki að elska?“ 

Aðferð:

1. Forhitið ofninn í 205°C.

2. Blandið öllum innihaldsefnum í blandara eða matvinnsluvél þar til þau eru vel sameinuð.

3. Ef deigið er of þurrt og helst ekki saman, bætið þá bara við nokkrum fleiri döðlum.

4. Rúllið í jafn stórar kúlur og leggið þær á bökunarplötuna, pressið síðan niður til að mynda smákökur.

5. Bakið í ofninum í 6 mínútur.

„Kökurnar eru æðislega góðar með tebollanum og geymast vel í frysti.“